Будаўніцтва беларускага палігона для выпрабаванняў генетычна мадыфікаваных культур завершыцца ў 2012 годзе. Палігон будзе размяшчацца ў Мінску, паведаміла 4 жніўня на брыфінгу намеснік дырэктара па навуковай рабоце дзяржаўнай навуковай установы "Інстытут генетыкі і цыталогіі НАНБ" Валянціна Лемеш.

У Беларусі з'явіцца палігон для выпрабавання генетычна мадыфікаваных культур

На стварэнне палігона памерам 25х112 метраў выдзелена 340000000 рублёў, з іх 140 млн. - на абсталяванне, якое ўжо набыта ў мінулым годзе, а 200 млн - непасрэдна на палігон (праектна-каштарысная дакументацыя, агароджы, сістэма відэаназірання). "Мы ўжо прыступілі да яго будаўніцтву, у наступным годзе ён будзе завершаны, - сказала Лемеш. - Зараз закупляем сельскагаспадарчую тэхніку: трактар, міні-трактар, сеялку". На палігоне, па словах навукоўца, плануецца выпрабоўваць "расліны, атрыманыя ў навукова-даследчых інстытутах". Перш за ўсё гэта будуць ўзоры генетычна мадыфікаванай бульбы, магчыма, лёну і рапсу. Па словах кіраўніка Нацыянальнага каардынацыйнага цэнтра біябяспекі Інстытута генетыкі і цыталогіі НАНБ Сяргея Дромашко, палігон для выпрабаванняў прадуктаў геннай інжынерыі пакажа, што "Беларусь знаходзіцца на досыць добрым узроўні развіцця і здольная ўступіць у клуб 25 біятэхналагічных краін, якія вырошчваюць генетычна мадыфікаваныя культуры ў прамысловых умовах" . Праект стварэння гэтага выпрабавальнага комплексу ўваходзіць у дзяржаўную праграму "Інавацыйныя біятэхналогіі".